منتديات شط العرب

الهمسات والخواطر المنقوله والشعر الفصيح المنقول همسات الحب,همسات الشعر,خواطر عراقيه,همسات عراقيه

الإهداءات
مہسہتہبہده : صباحوو فل ...ميماتي وينج اليوم اهىء اشتقت الج هواي     رقيقة الاحساس : ‏ كُن أنيقاً.. مهما خذلگ أحدُهم لا تقُل عنهُ إلا خيراً صباح_الخير"     مہسہتہبہده : الحيَاة لا تخّلوُ منّ #الأخطاء فَلا تجّعَلوا منّ الخَطأ نہُاية لكل شَيء     خجول الورد : السلام عليكم حياكم يا اعضاء شط العرب في مسابقة ماذا يوجد في الصندوق السابع الان     ♥ اسيرة الصمت ♥ : للغالي عليه مسائك عسل نبض قلبى اربعه نبضات نبضه تنادى اسمك واخرى تعشقك واخرى تتنفسك وأخرى تعشق صوتك.     احمد المهاجر7 : الحياة مليئة ب الحجارة فلا تتعثر بها ... بل أجمعها وإبنِ بها سلماً تصعد به نحو النجاح !!     ملاك الروح : أحبّك .. غيبوبةً لا تفيق أنا عطشٌه يستحيل ارتوائي أنا جعدةٌ في مطاوي قميصٍ عرفت بنفضاته كبريائي    

إضافة رد
قديم 04-02-2012   #1
عتوي مدنفش
عضـو بـرونــزي


الصورة الرمزية عتوي مدنفش
عتوي مدنفش غير متواجد حالياً

بيانات اضافيه [ + ]
 رقم العضوية : 5557
 تاريخ التسجيل :  Mar 2012
 أخر زيارة : 07-01-2016 (01:53 PM)
 المشاركات : 945 [ + ]
 التقييم :  30
 MMS ~
MMS ~
لوني المفضل : Cadetblue
مزاجي:
افتراضي ديوان الشاعر الكبير عبد الحسين الحلفي {الله يرحمه}يستحق التثبيت



عبد الحسين الحلفي ابكانا واضحكنا ,ابكتنا في:
ايام غربة قهــــر نــــيران ويشلـوطن
ودكات كلبي عرك احــــاه علن ها وطن
شيطان وسوس الي وبراسي دندن وطن
خلاني عفت الاهل بيت وتركته وارض
كتلة دريض ولك بس ما تـــــهدة ورض
بالغربة حطوا الي بكل كتر كسر ورض
ومن كطعوني وصل كل وصلة صاحت وطن
واثار اعجابنا في ابوذيات لم تطرق مسامعنا بمواضيعها المبتكرة ,تضاد ومفارقة عجيبتين:


ها تــــــعبني حبك ها اذاني
دخت ها يا صلاتي ها يذاني
اكول التوبة ما احب هاي اذاني
اهد ذاني ويرد حبك علية
وغيرها الكثير الكثير,حتى انه ادخل ثقافته الفلسفية في الابوذية:
بنا قصورة بس لاتظن بنا دام
جرحنا لجن ما بين بنا دام
ابن حوا مو شرط يطلع بن ادم
لان حوا اطلعت موش ادمية
ثم يشرح ما يجري في العراق ,بقصيدة قصيرة:
بعهد صدام جام البيت مكســور
ومن البرد ليلـــــــــــك ما تنامه
هسه البيت زين وصار بيه جام
بس كلب العراقي انكــسر جامه
الكراسي كاعده فوك الـــكراسي
لان ماكو زعيم ولا زعامــــــــه
ذله بذلة نكضي الليل ما ننــــــام
والبصبح بالمدرسه ندرس كرامه
ووالدنه الوطن بابا نــــــــــسميه
شو بابا عدل وحنة يـــــــــــتامه
عجيب شكد ايمة يا وطن بيــــك
ووجهك للرحم ما بيه علامـــــه
عجيب وبيك ابو فاضل العباس
عند جف ولا عندك شهامــــــه
ممنوع التجول يا وطن بيـــــك
لان حتى الدرب ساحب اقسامه
وشمل منع التجول حتى العظام
والدم ماكدر يمشي بعظامــــــه
حمام الناس ونته يا وطن حوم
منك ما اظن تسلم حمامــــــــة
انت بروفيسور بقبض الارواح
وعزرائيل الك دنك الهامـــــــه
يوميه قيامه يا وطن بيـــــــــك
اذن كلش سهل يوم القيامـــــه


الان يخاطب حبيبته بطريقه جديدة-والابوذية كالعادة مخاطب للمذكر-:
صراير عشك روحي وكصرتلك
ونفس وكت المنازع وك صرت لك
طويل واعلى منك واكصرتلك
حتى تلوح من تبوس ادية
فهذا هو العاشق الجبار,اما العاشق الذليل-ولا ذلة في الحب-:
عدل صوبك جدامي جر عدل لك
وادليك بحجي المر جرعدلك
اثكل كافي بسك جر عدل لك
زعلت؟لاتجر عدل حقك علية

كم هو شفاف ورااائع نعم بالتاكيد انه الحلفي !

تسوه الدنيه
اجملـ ماكتبه هذا المبدع
والقريبه جداا ع قلبي
هذه الرائعه

انشع من اشوفنك علي جاي :: واسكر حيل اذا اشبكك اطوطح
ويصير العيد ماتم لون ما جيت :: وبيوم الطبك لو جيت افرح
واكول اربحت واني وياك خسران :: واكول اخسرت لو وي غيرك اربح
مرجوحه الكلب ومحبتك عيد :: وبما انك طفل حقك تمرجح
حلو .. وتلمع .. وتكتل انت اذا سيف :: اذا عذرك وياك وانت تجرح
وما افكر خاف انت تذبحني :: افكر خاف اتعبك وانت تذبح
اعرفنك غلط بس مستعز بيك :: وكمت لخاطرك حته اكره الصح


تسوة الدنيا عندي من اكعد وياك :: وبدونك كلشي ما تسوه دنيتي
من اطب لبيتكم اشبك على الباب :: ويشبكك بابنه من تطب بيتي
فرق مابين عمري وعمرك هواي :: وكمت لخاطرك اصبغ لحيتي
اتأذه اذا وي غيرك ارتاح :: وحيل ارتاح اذا منك اذيتي
عليك العين تبجي ليل ونهار :: واكلهه اشعطلج شو ما بجيتي
يوصي اهله بجهاله الرايد ايموت :: وبس اسمك لكو اهلي بوصيتي

اعله غيرك ما نحت ما بيه ع النوح :: وعليك شكد حلو يونسني نوحي
كظيت زيارتي بس اندعيلك :: ونسيت وداعتك اندعي لروحي
جنت من روحي ضايج كبل ملكاك :: وكل ساعه اكل لروحي دروحي
هسه لا بعد من روحي ما اضوج :: اضوج اشلون وانت الصرت روحي

سجين بحبك اني متاني الافراج :: واصلي واندعي لا يجي افراجي
محتاج لحنانك حيل محتاج :: ومحد غيرك يسدلي احتياجي
تحرجني بقصد وتطلع الروح :: واكل للروح ما يقصد احراجي
ابو الطبع المزاجي اشكد اكرهة :: واموت عليك جي طبعك مزاجي

طك كلبي عليك
طك كلبي عليك وجيت اشوفك .....على بختك تكلي شعندك وجاي
والله حتة هل كلمة حلوة منك.......... واتمنى علية تعيدهة هواي
لذالك حتة انة اسمعهة اكثر....... راح ابقة علة بابك رايح وجاي
اشما تصعب علي صدكني ارتاح.... اريدنك صعب لاتسهل وياي
يجوز بهاي ايدي الزم سباع........... بس تخوني من الزم الماي
على بختك شنو السويته وياك.. عفت ناسي وخذيتك عوض ناسي
احبك ما احس اكرهك فد يوم..... واذا حسيت هم اكره احساسي
يذكروني بعذابي الشفتة وياك............ واذكر واكلهم والله ناسي
كلش قاسي وبالذات وياي......... واكول وياي بس انتة مو قاسي
وكفت انتة علة راسي بجدم سكران... وتريد اطيح ويعدلك راسي
بحبك تختلف حتة القياسات........ صفر حبك كسر رقمة القياسي
ومدري شبية اشمك وانتة عاكول..... وغيرك ما اشمة وهوة قداح
واحس نغزاتك رماح وية الانفاس. واكول افيش وانة اتنفس ارماح
اذا ماتسمع صياحي الخلل بيك. اليصيح احسن من المايسمع صياح
واذا انة طحت صدكني ماضوج.... الوكفتة طولت بالطيحة يرتاح
بس خلي ابالك ياضوة العين... الاصيل تروح روحة لو محب راح
المرجوحة الاصيلة تكطع حبال.... اذا بالعيد من عدهة طفل طاح


أنـــه ابيض كلب ولساني اللسان .... واذم كلمن مشه وياي مكلوب
حسبالي صدك صحباني أحباب .... شمدريني دغش مليانه الكلوب
شكثر صاحوا هله بجيتك يبو فلان .... هسه بس أجي تتقفل البوب
كل ساعه جرح كل ساعه نيشان .... جرح ياجم جرح بس انه ماتوب

ومضااات
$$$$$$$$$
إبحلاتك سيد وينكالك مولاي
ومن كد مادخت كتلك يمولاتي
شفتك غوشت عيني وكمت ماشوف
درت وجهي صفح شافتك اذانانتي ؟


من كد ما حلو محد مشة وياك
وألماشاك هم ما ظل يماشيك
إهو ماشاف دربة إتعثر وطاح
لإن كضاها بس يعاين إعليك !!


أحبك حب ولا مر إعلة أنسان
وتدري أشكد أحبك راح أفهمك
إحلمت آنة بالجنة وأنتة بالنار
أكفّر كمت حتة أنتقل يمك ""


مو بس آني أذوب وأخدر إعليك
إمن أحلم بيك حتة فراشي يخدر
منو ألكال ألكمر يفتر على ألكاع
ألكمر شافك وداخ وكام يفتر


قشمروني وجان ظنهم قشمروك
وغلطو أكبر غلط جي ما فكرو
عود باعوني وعلى عنادي أشتروك
وأنتة آنة إذن هم أتقشمرو


على نار أنتظر ومتاني ألأحباب
وإندك باب بيتي وألكلب ذاب
إطلعت للباب عود ألباب أفتحة
لكيت ألباب طالع فاتح ألباب


حلو وتتكلب ويختلف وضعك
وكذلتك طايرة وتلعب على ألريح
ألوحيد أنت حلو ومحد يتبعك
لإن من تمر كلهة تدوخ وتطيح


شحلات أللي تحبه كبل ميروح
بحلات آخر نفس من تكظي ألأنفاس
وحلات ألعيد أول يوم بالعيد
وحلاتك من تجيني أول ألناس


إسهامك عذبني كطعني
وأرافس وإضحكت جي ضحك سنك
إشردت منك أحس مرتاح لني
إطلعت بيك آني شارد موش منك


إبوطنة ألضحكة شردت من ألحلوك
وألعيدية دوم إمزاعلة ألأيد
يجينة إلعيد جان ومامش هدوم
هسة هدوم عدنة ومايجي إلعيد


ألجمال ألبيك دايخ هوة بيك
ويمكن أيدك تخدر إمن تكض أديك
أنتة ربك خالقك بس شكل خاص
يمكن إمسويك إلة يعاين عليك


هوة غيرك من أشمنة أموت
لاكن أرجع عدل من أشتم هواك
تدري آنة أشكد أحبنك بحيث
من تهد أنت علية أفزع وراك


الحكومه انطت شعبها ارقام ورقام
حتة يخابر ويشرح إهمومة
شعب خارج نطاق التغطية يعيش
إذن شيسوي برقام الحكومة


كل حلو ينباس بس إنت الوحيد
دخنه بيك وعدنة صارت هوسة
خدك يكهرب واليبوسه يطيح
كمنه من إبعيد ناخذ بوسة


يل رحت زعلان من عندي ومشيت
إعذرني جي خليتك بزعلك رحت
لأن مالحكت اكلك لاتروح
بس ثكل وجهك عليّ آنه طحت


جم محب حاول كدر ينسه الحبيب
وآنه من أنساك اظل دايخ عليك
إنت حبك يختلف فد شي غريب
حته نسيانك حلو يذكرني بيك


عذاب البرزخ آنه تعذبت بيك
ولكن بالكلب ظل حبك إيزيد
وإذا كالولي عوفه وجنه ننطيك
أريدن برزخك أي جنه ماريد


عليك الكلب ثابت قفل مقفول
وأموت وما أدور عن بديلك
ماحب الصلاه بس كمت أصلي
أصلي لخاطرك حته أندعيلك


كلبت بوراقي بس إسمك لكيت
وماكو غير اسمك إسم بوراقي
كلها كالت راقي عنك من إجيت
وكلها كالت ماكو غيرك راقي





أذا احجي وي غيرك قصدي وياك
واذا حبـــــــيت غيرك انت أعنيك
مــــااذكرك بـــــــس جذب أنساك
واذا أنا اذكـــرت يعني أنا ناسيك
عقلي الماعرف هــــــــذا ولاذاك
ولاأنا الـعرفني شــــــعـرفه بـيك
ماأفتهم كل شي بغير طـــــرواك
مسودن وأفتهم كل شي منلاكيك
كتبت راح أكرهك وتوقع أنساك
حدرها وقعت صرت أنا مجنون
رجعت أتأكدت شو طلعت أهواك
ردت أمسحها زادت ترست الكون
أذن أهواك كون يدور بيه
ولابيها مجال أنساك هيهات
واذا انه ارد اكلك كافي جيه
لساني أيكول مو تكطع الجيات
زين لساني شوف جفوف أيديه
على مودك يسرتي لوت يمناي
ينسني من احضنك هاي هيه
اردن هاي كوه اتروحلك هاي
ضجت منك وكلبي أسوه بيه
كطع نبضه وزعل وتعارك وياي






شحلات الي تحبه

شحلات الي تحبه قبل لي يروح
بحلات اخر نفس من تكضي الانفاس
وحلات العيد اول يوم بالعيد
وحلاتك من تجيني اول الناس
افك ريجي بصباح الخير يفلان
وصباح النور منك تاج عالراس
تعال وجيب خدك واكتل الليل
كبل خدك ضوه خدودك الينباس
تعال شعطلك ما جيتني شبيك
اريدن بيك افوز وارفع الكاس
تساويني بنظر عينك وي الغير
اذا عينك عمت باوع بالاحساس
ولك شوف الورد مايملك عيون
وبلحضة الشم يميز الناس
شكد تخطر ابالي والك اشتاك
ولالحضه اعله بالك بيها اخطر
تعال واغلط وياي وانته معذور
ومو انه الاعذرك انته تعذر
حتى صيامي يفرق عن الاسلام
حسب جيتك يجوز يطول اشهر
تعال ومر علي حتى لو رمضان
اشوفك عيد كبل العيد وافطر
تعال شبيك ادخلك جنة اشعار
وافرك احلى فره بين الاسطر
ولك حتى السما من تحن عالكاع
تضل تبجي ومطر عالكاع تمطر
تعال شعطلك ما جيتني شبيك
انه وبيتنه وشارعنه ننطر
كل ساعه اطلع اسمع صوت عالباب
اثاري الباب ظل بروحه يسطر



احبك مو لان انت حلو لا لان روحي كبل ولك التقت بيك
اذا انت تمر على الاخرس يصيح الله والاخرس اذا حاجيته يحاجيك
اذب قلبي على سهمك واني مجروح واكلك دير بالك خاف اذيك
اجرحني ولك بس كون علكيف لان انت ويه دمي واخاف ابديك
اجرحني ولك بس كون ماموت حتى من يتهمونك ابريك
على المرايه وكفت ماشفت وجهي وشفت وجهك طلعلي وكمت احاجيك
وثبت بمرايتي وجهك مرايات وتباوع وجهه مرايتي بيك
بكذلتك شد ركبتي وطلع الروح اريد انهى بعد تتقرب عليك
انت بحضني بس اعتبرك بعيد اريدن هيج كون اني انخبط بيك
بياشارع مشيت اكبالي الكاك ادور بغير شارع هم الاكيك
ارد للبيت كبل الكاك بالباب اطب كبلي تطب تكلي اتانيك
بغيرك فكرت كلت حتى انساك طلع غيرك يشبهك فكرت بيك


كلش مو طبيعي ودخت كلش بيك
وداخت من حجيت وياك كلماتي
إبحلاتك سيد وينكالك مولاي
ومن كد مادخت كتلك يمولاتي
شفتك غوشت عيني وكمت ماشوف
درت وجهي صفح شافتك اذانانتي ؟
تسوى الدنيا عندي من اكعد وياك
وبدونك كلشي ماتسوى دنيتي
من اطب البيتكم اشبك علة الباب
ويشبكك بابنة من تطب بيتي
فرق مابين عمري وعمرك هواي
وكمت الخاطرك اصبغ لحيتي
أتئذة اذا وي غيرك ارتاح
وحيل ارتاح اذا منك أذيتي
ويغيرك مايردني العمر ماريد
وريد وياك لو يمك منيتي
قضيتي وياك ابد خلتني ما شوف
ودعي من الله لاتنحل قضيتي
عليك العين تبجي ليل ونهار
وكول شعطلج شو ما بجيتي
يوصي اهلة بجهالة الرايد يموت
وبس اسمك لكو اهلي بوصيتي
علة غيرك مانحت ما بية عل نوح
وعليك شكد حلو يونسني نوحي
كضيت زيارتي بس اندعيلك
ونسيت وداعتك اندعي الروحي
جنت من روحي ضايج كبل ملكاك
وكل ساعة اكل الروحي دروحي


هسة لابعد من روحي ماضوج
اضوج شلون ونتة الصرت روحي

انشع حيل من تلجمني الجروح
وضل مقهور لو طابت جروحي
اعتبرت الي يداوني يلجمون
وتلجم بية وعتبرك علاجي
سجين بحبك انة متاني الفراج
يوصلني وندعي لايجي فراجي
محتاج الحنانك حيل محتاج
ومحد غيرك يسدلي حتياجي
وذاعطشان يلكة نهر مثلك
مامعقولة يفتر عل سواجي
تحرجني بقصد وطلع الروح
وكل للروح مايقصد احراجي
ابو الطبع المزاجي شكد اكرهة
وموت عليك جي طبعك مزاجي

]d,hk hgahuv hg;fdv uf] hgpsdk hgpgtd Vhggi dvpliCdsjpr hgjefdj hgpgtd hgpsdk hgahuv hg;edv pd,hk dvpliCdsjpr



 
 توقيع : عتوي مدنفش



رد مع اقتباس
قديم 04-02-2012   #2
dul-faqar
عــضــو جــديــد


الصورة الرمزية dul-faqar
dul-faqar غير متواجد حالياً

بيانات اضافيه [ + ]
 رقم العضوية : 4160
 تاريخ التسجيل :  Nov 2011
 أخر زيارة : 06-09-2013 (11:13 PM)
 المشاركات : 16 [ + ]
 التقييم :  30
لوني المفضل : Cadetblue
افتراضي



الله يرحمة لشاعرنا الحلفي
واسكنه فسيح جناته


 


رد مع اقتباس
قديم 04-02-2012   #3
عتوي مدنفش
عضـو بـرونــزي


الصورة الرمزية عتوي مدنفش
عتوي مدنفش غير متواجد حالياً

بيانات اضافيه [ + ]
 رقم العضوية : 5557
 تاريخ التسجيل :  Mar 2012
 أخر زيارة : 07-01-2016 (01:53 PM)
 المشاركات : 945 [ + ]
 التقييم :  30
 MMS ~
MMS ~
لوني المفضل : Cadetblue
مزاجي:
افتراضي



نورت ورده


 


رد مع اقتباس
قديم 04-08-2012   #4
ياسر خديدا
http://www.shatt.net/up/uploads/1468353329175_3aaf0.gif


الصورة الرمزية ياسر خديدا
ياسر خديدا غير متواجد حالياً

بيانات اضافيه [ + ]
 رقم العضوية : 5538
 تاريخ التسجيل :  Mar 2012
 أخر زيارة : 08-06-2017 (01:59 AM)
 المشاركات : 18,858 [ + ]
 التقييم :  30
 الدولهـ
Iraq
 الجنس ~
Male
 MMS ~
MMS ~
 SMS ~
إن الإنسان قبـل الحب ( شيء)
وعنـد الحب ( كل شيء )
وبعـد الحب (لا شيء)
يبدأ الحب بابتسامة وينمو بقبلة وينتهي بدمعة
لوني المفضل : Darkred
مزاجي:
افتراضي



عاشت الايادي دام ابداعك وتألقك


 
 توقيع : ياسر خديدا

أعشَـــقُ إِحسْـــاسَ وُجـــودِكَ فــــْي حَيّـاتــــْي






رد مع اقتباس
قديم 04-08-2012   #5
love story
ادارية سابقة


الصورة الرمزية love story
love story غير متواجد حالياً

بيانات اضافيه [ + ]
 رقم العضوية : 4763
 تاريخ التسجيل :  Jan 2012
 أخر زيارة : 01-21-2017 (10:22 AM)
 المشاركات : 3,499 [ + ]
 التقييم :  30
 الدولهـ
Iraq
 الجنس ~
Female
 MMS ~
MMS ~
 SMS ~
لو جاز تقديس العباد لوجدتني
في حضن امي قد بنيت مسجدا
لوني المفضل : Lightcoral
مزاجي:
افتراضي



وما افكر خاف انت تذبحني :: افكر خاف اتعبك وانت تذبح
اعرفنك غلط بس مستعز بيك :: وكمت لخاطرك حته اكره الصح
عاشت الايادي دوام الابداع والتألق


 
 توقيع : love story



رد مع اقتباس
قديم 04-08-2012   #6
انين الشوك
عــضــو فــضــي


الصورة الرمزية انين الشوك
انين الشوك غير متواجد حالياً

بيانات اضافيه [ + ]
 رقم العضوية : 3893
 تاريخ التسجيل :  Sep 2011
 أخر زيارة : 03-09-2017 (11:15 PM)
 المشاركات : 1,169 [ + ]
 التقييم :  30
لوني المفضل : Cadetblue
افتراضي



الصراحه الموضوع يستحق التثبيت لما به من ابداع شكرا لك وتم التثبيت والنقل الى المكان المناسب


 
 توقيع : انين الشوك

يا اغلى ما عندي من الي يساويك يازهره ايامي حياتي حلالك


رد مع اقتباس
قديم 08-28-2012   #7
اسد حديثة
عضـو بـرونــزي
اسد المنتدى


الصورة الرمزية اسد حديثة
اسد حديثة غير متواجد حالياً

بيانات اضافيه [ + ]
 رقم العضوية : 7711
 تاريخ التسجيل :  Aug 2012
 أخر زيارة : 09-16-2012 (03:56 PM)
 المشاركات : 825 [ + ]
 التقييم :  30
 الدولهـ
Iraq
 الجنس ~
Male
 MMS ~
MMS ~
 SMS ~
L+H
لوني المفضل : Green
مزاجي:
افتراضي



ان شاءالله دوم الابداع


 


رد مع اقتباس
إضافة رد

الكلمات الدلالية (Tags)
التثبيت, الحلفي, الحسين, الشاعر, الكثير, حيوان, يرحمه}يستحق, {الله

منتديات شط العرب

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة



الساعة الآن 12:49 PM


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO 3.6.1 TranZ By Almuhajir
Adsense Management by Losha

new notificatio by 9adq_ala7sas
HêĽм √ 3.2 OPS BY: ! ωαнαм ! © 2010
:: منتديات شط العرب منتدى عراقي ترفيهي ثقافي اجتماعي لايتبع اي حزب او طائفة وليس له علاقة بالسياسة وهو ملك للجميع ::
This Forum used Arshfny Mod by islam servant

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99