منتديات شط العرب shatt alarab

منتديات شط العرب shatt alarab (http://www.shatt.net/vb/)
-   المقهى الادبي (http://www.shatt.net/vb/shattalarab41/)
-   -   الشعر الحقيقي (http://www.shatt.net/vb/iraq96891/)

الشاعر احمد السعد 09-05-2013 09:15 PM

الشعر الحقيقي
 
قصيدة حقيقة من انسان حقيقي
وهو سيف من سيوف البصرة بالشعر
حبيت اشارك بيها هنا حتة يقرة الاعضاء
ما الفرق بين الشعراء والمتشاعرين
انها للعذب جدا سيف الحلفي




يالخفيت جدمك وانه حملي ثكيل
ضيعت العرف؟ لو ضايع العنوان؟

قراية فاتحة ينطيني كلمن جاي
ويدعي ..فراك ولفك خاتمة الاحزان

بصفنتي,بغيبتك وكفني بين اصنام
واتحداك تعرف ياهو بينه انسان

عشكتك..وانه عمري..(مااتذكر زين)
بوكت..بي توني قاري (البلبل الفتان)

وفاركتك قبل..يمكن سنه وجرحين
من عدها وضعت..جيله بعرس معدان

عفتني ابحدي ..وجروح الحلال هواي
بسعر ماي..انبعت يم ام ولد غركان

انكطع حتى الهوا ..وضليت اعكدة بخيط
واجرة لصدري..ويطيح النفس خدران

انه سامع جهنم بيها سبع انواع
ووحده بصدري مامذكورة بالقرآن

من تحضني هسه يطيح مني رماد
واذا تاخذلي صورة تشوف بس دخان

بعد لسعة شمس ويعطب المحصول
وتندك (نخلة سودة) استشهد البستان

عرفت عمر الشجر من دون طكة فاس
وسبب فركاك حاير ماعرفته شجان

طحت بفراش موتي..شوكت اطيحن بيك؟
حرت مثل اليدور الشامه بالسمران

ثكل وزنك عليه والطعم للغير
يعشرة سوك ..بيك شحصل الميزان

غريبة الناس..مدري انه الغريب اطوار
وأورث مشتهاتي بجمرة الحرمان

اذا ابدل المخده يطير مني النوم
عجيبه شلون يغفه البدلوله احضان؟

وانت شلون عايش والله افكر بيك
الدخلوا بعدي الك مافروا الديوان

ويه المو اصيل العشرة ماتنراد
وخذاك..المايميز الكاس والفنجان

يبذرة برحي,وانطميت جوة الكوخ
اضل متاني طولك يخسف البنيان

بخلك مرايا...واضحك للضحك وياي
وسواد البالظهر تارس كفاها احزان

يردلي الشوف بس رد من قميصك خيط
الف يعكوب بيه وطلتك قمصان

انه متاني الشمس تمطر علي فياي
واهز غيمة هلاهل بس اريد لسان

وأرد ارسم نهر,,,,والروجة كذلة ماي
وأمشطها اببلم ,,يم جرفك النعسان

وافوجن بالبحر...وآخذ متاعي زنود
عكب هذا الغرك..ماأمن بسفان

ومااصعد سفينه...هسه لو مو نوح
شحلاته الموت ويه الناس بالطوفان

هم برجعتك خاف الليالي تطول
ويموت التحبة وتلكة غير انسان

محمد التميمي 09-05-2013 10:39 PM

الصديق العزيز احمد السعد
اشكرك جزيل الشكر لاختيارك هذه القصيده
للشاعر المبدع سيف الحلفي
قصيده عملاقه جدا في كل بيت صوره
هنئيا للشاعر سيف الحلفي هذ الابداع
وهنئيا لك هذه الذائقه
دمت بخير

الشاعر احمد السعد 09-05-2013 10:46 PM

اقتباس:

المشاركة الأصلية كتبت بواسطة محمد التميمي (المشاركة 1405364)
الصديق العزيز احمد السعد
اشكرك جزيل الشكر لاختيارك هذه القصيده
للشاعر المبدع سيف الحلفي
قصيده عملاقه جدا في كل بيت صوره
هنئيا للشاعر سيف الحلفي هذ الابداع
وهنئيا لك هذه الذائقه
دمت بخير

الصديق العزيز محمد زكي التميمي
اشلونك يا غالي ان شاء الله بخير
اشكر وجودك
انا شاركت بهاي القصيدة متعمد
لانتشال الذائقة ولو قليلا
من ترسبات بعض القصائد بالساحة
هنيئا لك ايضا ذائقتك الجميلة
وهنيئا للبصرة بسيفها
تحياتي الك يا ورد

مہـؤيہـد آلـلآمہـيہ 09-05-2013 11:15 PM

http://www.6oyor-aljanah.com/vb/imgc...a5f0f1bf14.gif


الذي ارها من مواضيعكم

تتناثر فيها حبكم لهذا الصرح


http://www.vb.fll2.com/storeimg/img_1352672863_565.gif


الجميل سلمت ايدكم على هذا الابداع

وسلمت روحكم لما تقدمون من ابداع


http://www.vb.fll2.com/storeimg/img_1352672863_565.gif


ابداع متواصل يحلق في سماء

منتدانا الغالي منتديات شط العرب


http://www.vb.fll2.com/storeimg/img_1352672863_565.gif


فشكرا لكم من القلب لما تقدمون

وشكرا لايدكم الجميلة التي تخط


http://www.vb.fll2.com/storeimg/img_1352672863_565.gif


او تنقل هكذا ابداع مميز

تقبلو مروري بين حروفكم الجميلة


http://www.vb.fll2.com/storeimg/img_1352672863_565.gif


وتقبلو مروري البسيط المتواضع

كنت هنا وسأكون دوما بأذنه تعالى


http://www.vb.fll2.com/storeimg/img_1352672863_565.gif


مؤمؤ

http://www.vb.fll2.com/storeimg/img_1352672863_565.gif


http://www.6oyor-aljanah.com/vb/imgc...a5f0f1bf14.gif

http://www.vb.fll2.com/storeimg/img_1352672863_565.gif


http://www.shattalarab.net/vb/avatar...ine=1377016104


http://www.vb.fll2.com/storeimg/img_1352672863_565.gif


http://www.6oyor-aljanah.com/vb/imgc...a5f0f1bf14.gif

http://www.vb.fll2.com/storeimg/img_1352672863_565.gif



العراق 09-05-2013 11:36 PM

http://www.shattalarab.net/up/uploads/13784133281.bmp

الشاعر احمد السعد 09-06-2013 01:48 PM

عزيزي مؤمؤ تسلم على مرورك وتعابيرك الجميلة

الشاعر احمد السعد 09-06-2013 01:50 PM

العراق اقتباسك للبيتين دليل ذائقتك المميزة شكرا لمرورك وشكرا للمبدع سيف الحلفي على ابداعه


الساعة الآن 06:28 AM

Powered by vBulletin® Copyright ©2000 - 2018, Jelsoft Enterprises Ltd.
Search Engine Optimization by vBSEO 3.6.1 TranZ By Almuhajir

Adsense Management by Losha

new notificatio by 9adq_ala7sas
HêĽм √ 3.2 OPS BY: ! ωαнαм ! © 2010
:: منتديات شط العرب منتدى عراقي ترفيهي ثقافي اجتماعي لايتبع اي حزب او طائفة وليس له علاقة بالسياسة وهو ملك للجميع ::
This Forum used Arshfny Mod by islam servant


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99